Mentanarnáttina 7. juni kl. 19.00 verður eitt tiltak á Landsbókasavninum um Ummæli av føgrum bókmentum. Á skránni verða fyrilestrar, kjak, framsýning og tónleikur. Kinna Poulsen, ummælari, Birgir Kruse, fjølmiðlafólk og Erhard Jacobsen, leiðari á Landsbókasavninum, fara at halda hvør sín fyrilestur. Gunnar Nolsøe verður orðstýrari. Aftaná fyrilestrarnar verður kjak. Síðani verður møguleiki at hyggja at framsýningini, sum m.a. fer at vísa eitt úrval av áhugaverdum ummælum úr bløðum, bókum og av netinum. Uni Debess fer at spæla og syngja.
