Monday, December 10, 2012

Eingladust 10


aftur og aftur
flytir hon
fingrarnar
fyri hann
á tangentunum

hann skal læra
at spæla
dukka mín er blá

hann dugir stevini
í føroyskum dansi
og hevur lisið
søren og mette

hann hevur sitið
í leypinum
hjá langabba
og gitt gátur
og samstundis talt
seks hundrað og seks og trýss
seyðasparl í øllum túnunum
í heimbygdini

hann skal verða
mentamálaráðharri


(TP)