Saturday, August 13, 2011

SUMMARLISTIN - Georgia o´Keffe

Summarið er farið at halla, so her kemur ársins síðsti táttur í røðini Summarlistin. Í dag fagna vit einari sjáldsamari amerikanskari listakvinnu, Georgiu o´Keeffe, sum livdi frá 1887 til 1986. Hon málaði blómumyndir, sum eru so mikið sansaligar, at tær næstan tykjast erotiskar, men sjálv helt listkvinnan lítið um, at myndir hennara vórðu yvirtulkaðar tann vegin. Hennara myndir eru ovurvakrar sum sublimar visiónir. Sjálvt um tær eru figurativar blómumyndir, eru tær so nógv meira enn tað, og sjálvandi er tað alt ov avmarkandi og platt bert at tulka tær út frá tilvildarligu myndevnisligu líkheitini millum blómuskap og kvinnukyn. Filmurin, sum vit seta inn niðast, kann viðmælast!










(KP)