Thursday, July 15, 2010

Listavoxpopp - Heiðrik á Heygum



Heiðrik á Heygum, myndlistamaður, tónleikari og filmslistamaður

1. Hvat er tað mest umráðandi, sum er hent innan fyri føroyska list seinastu 10 árini?

Klippfisk- enduliga er filmslist byrjað at spíra í Føroyum

2. Hvussu metir tú korini eru hjá listini her á landi?

Ikki góð, tá man hugsar um, hvussu dugnalig listafólk vit hava í Føroyum. Men Føroyar eru sera lítlar so man kann ikki vænta tað heilt stóra.

3. Hvat er tað besta, sum kundi hent fyri at givið tínum listaslagi betri kor?

Betri marknaðarføring av føroyskari list uttanlands. Havt betri listarligt samstarv við onnur lond - eitt nú Ísland og Danmark innanfyri film, tónleik osf.

Fingið eitt ordiligt tónleikarhús. Fingið PRIX Føroyar aftur, tí føroyskur tónleikur hevur aldrin blómað so nógv sum tá.




Listin er nú eisini farin í holtur við eina sonevnda voxpopp kanning, sum allir miðlar við sjálvsvirðing koyra ígjøgnum av og á og sum gongur út uppá at spyrja øll møgulig fólk um alt møguligt. Listin hevur tó valt bert at spyrja nøkur listafólk tríggjar spurningar um list.

Voxpopp-kanningar eru altíð tilvildarligar, og tað er hendan eisini. Í fyrstu atløgu hava vit spurt nøkur listafólk innan fýra tær stóru listagreinarnar: bókmentir, myndlist, tónleik og leikllist.

Vit seta eitt og eitt svar inn, men øll svarini síggjast undir evninum: Listavoxpopp.

(IS)